Fréttir og viðburðir
Fréttir og viðburðir

Landnámsdagurinn 2010

14.6.2010

  • Rev. Axel Árnason

Fjölmenni var saman komið við þjóðveldisbæinn þann 5. júní þegar landnámsdagurinn var haldinn.

Fólk safnaðist saman á þeim stöðum í Þjórsárdalnum þar sem boðið var upp á atriði. Flestir heimsóttu þjóðveldisbæinn þar sem leikhópur úr Ungmennafélagi Gnúpverja frumflutti leikatriði um Gauk Stöng sem samið var af hópnum í vetur.

Þá voru Vikivakar dansaðir og einnig voru sýndir gamlir leikir af félagsskap sem í er áhugafólk um víkingahefðir á Íslandi. Gamalt íslenskt handverk var til sýnis og sölu og gömul íslensk vinnubrögð voru sýnd í bænum sjálfum.

Séra Axel Árnason messaði í kirkjunni og konur úr Kvenfélagi Skeiðahrepps buðu upp á íslenska kjötsúpu að hætti landnámsmanna.

Veðrið lék við gesti og var þetta hin skemmtilegasta stund í dalnum.

Til baka Senda





Samstarfsaðilar

  • Stjórnarráðið
  • Skeiða- og Gnúpverjahreppur
  • Þjóðminjasafnið
  • Landsvirkjun



Útlit síðu:

Tungumál


Þetta vefsvæði byggir á Eplica