DVD diskur
DVD diskurinn „Þjóðveldisbærinn í Þjórsárdal“ hefur að geyma tvær myndir. Annars vegar heimildarmynd um byggingu bæjarins og hins vegar mynd um lifnaðarhætti til forna í bæjum sem þessum.
Þjóðveldisbærinn í Þjórsárdal
Í þessari mynd leiðir Margrét Vilhjálmsdóttir, leikkona, okkur um þjóðveldisbæinn, gefur innsýn í daglegt líf fólks til forna og segir sögur af atburðum sem gerðust í slíkum híbýlum.
Handritið er eftir Davíð Þór Jónsson og stjórnandi er Björn B. Björnsson.
Hér stóð bær
Kvikmyndin fjallar um gerð og byggingu þjóðveldisbæjarins sem reistur var í tilefni 1100 ára afmælis Íslandsbyggðar árið 1974. Í myndinni er fylgst með byggingu bæjarins frá upphafi til vígsludags.
Handrit skrifaði Hörður Ágústsson, tónlistin er eftir Jón Leifs og stjórnandi myndarinnar var Páll Steingrímsson.
